絲絲講場：馬雲做生意只求受尊敬

馬雲除咗獲科大頒授學位外，更係首位獲科大邀請、在畢業典禮發表演講嘅人，出場時更引來全場歡呼。以英文演講嘅馬雲自爆，自己父母過往認為他不可能大學畢業，朋友亦不認為他會成功，今次取得博士學位不只感到榮幸，並話自己能夠成功，代表中國逾八成年輕人都能成功達成夢想。

商業模式見好就改

馬雲更勉勵學生不要期望改變世界，反而更應堅守自己嘅夢想，亦不應抱怨難有發展機會，更提醒年輕人不應羨慕別人嘅成功，應擁抱別人嘅失敗及改變。

馬雲仲話做事先早作預備。以阿里為例，他往往在業務仍然美好時，把握時機對商業模式作根本改革，而非在落雨天先嚟修補。呢句說話對本港可能考慮變革嘅上市公司股權結構制度，唔知算唔算係弦外之音呢？

港實習生每年50個

馬雲其後專登透過集團公關向全港嘅大學生傳遞一個好消息，就係決定來年每年給予香港嘅大學生50個假期實習機會，希望年輕人到阿里去看一下，了解中國新經濟嘅變化。

講開阿里，中證監尋日就確認話，目前完成報批手續嘅互聯網基金銷售平台僅阿里旗下嘅淘寶一家。而阿里金融首席執行官彭蕾亦巧合地向媒體表示，除餘額寶外，阿里喺互聯網金融方面，早已部署多個項目，但她就斷然否認，集團會透過持股間接取得銀行牌照，更說「若真係要一個銀行牌照，我們也會自己獨立去攞」。