交銀香港副行政總裁陳霞芳話，呢次晚宴採用「傳承」為主題，而且成個環境、美食都充滿傳統中國色彩，呢個咁有品味嘅晚上，唔知有幾多係香港客戶呢？聽講呢次晚宴一啲都唔嘢小，有珠寶鑑賞天橋Show，又有「變臉」呢項厲害嘅傳統技藝，睇到絲絲目瞪口呆。
信銀貴客學埋養生
另一間要答謝客戶嘅就係信銀國際，皆因CITIC first自○六年推出，客戶人數一樣係咁升，截至今年九月底，已經約有2.25萬名客戶。
之不過，呢啲唔係普通客戶，因為入場門檻都要100萬港元o架！信銀國際早排就搞咗個養生講座，教客戶剖析鑑別珍貴食材嘅要訣，同埋點樣保健，大約有180人參加。