退休老本投資增值
話說當初呢個婆婆同卓百德講，擔心退休金全部放喺銀行，始終會有一日會坐食山崩，希望能夠改善現狀。卓百德好自然就叫佢做投資啦，點知唔講尤自可，一講個婆婆仲驚，話驚投資會蝕錢，連棺材本都冇埋。卓百德就同佢解釋，其實有啲投資風險都好低嘅，但婆婆始終都係半信半疑。
教路買REIT已有息收
為咗幫人幫到底，卓百德索性幫佢開埋投資戶口，幫佢選股，成個投資組合全部都係房託基金（REIT），真係貫徹咗卓百德「樓神」嘅稱號。
過咗一段時間，到咗公司派息期，卓百德話收到婆婆嘅電郵，話多謝佢，因為佢已經收到派息嘅支票，可以攞住呢啲錢去買衫、整頭髮、出街食餐好嘅，當初嘅擔心全部無晒。
余詩韻