期指觀瀾：無形之手難以估計
內地又掀錢荒，上周港股連跌四日，周五恒指跌137點報22,698點，終於失守運行超過一個月，22,743至23,554點的橫行區支持。
客觀因素，港股上周五的確弱，一來，周四滙豐編制的中國製造業PMI勝預期，投資者不為所動，當日恒指已偷步跌了164點。周四晚，預期回落的美股，道指先跌後回升，ADR預示港股周五向好，但23,500點破關不成的大市，最終竟連跌四日，合共740點。
筆者一直堅持破位追勢的策略，到上周五確認破位，最後收市一刻，只敢以平日三分一注碼入市，原因係周五大市雖然跌穿50日線22,761點，以及22,743點上落市的下限，不過破位後即市於22,640點已經停步，以一個運行超過一個月的橫行區，破位後跌唔夠100點，未見好友蜂擁止蝕推低大市的情況發生，慎重起見，都係睇埋今日較穩陣。
上周五美股以接近全日高位收市，升61點，新加坡場外莊家開價又返到去22,770點附近，如果今日22,743點可順利收復，破位引發急跌的預期，可能又要落空，最怕亦都無得估的，係內地拆息連抽多日後，本周阿爺會否出手，來一個逆回購令個市死貓彈，咁就真係死得不明不白。
John Mullen