絲絲講場：友邦：逾半男女「冚密」私己錢
儲私己錢等於收集安全感，男女都會咁做，但肯向另一半如實招來嘅僅得45%，友邦信託新上任嘅行政總裁馮裕祺話自己單身，將來有私己錢都會話畀另一半聽喎！
佢哋做咗個調查，75%受訪女性有私己錢，呢個結果好正常，但絲絲估唔到63%受訪男性都坦承會儲埋啲私己。
肯講都有五成報細數
更加估唔到嘅係，原來得45%嘅受訪者，肯向另一半講自己有幾多私己錢，就算肯講嘅，有一半人都會報細數，所以話男女間都係爾虞我詐！
馮裕祺就話自己係老實人，一定會向另一半坦白，佢咁坦白，又高大、靚仔兼單身，真係筍盤喎！