絲絲講場：恒生便服日彩繪添姿彩

恒生今年特別邀請咗彩繪師同小丑，喺中環總行、九龍灣MegaBox辦公室及恒生中心，以彩繪及氣球為便服日增添色彩。副董事長兼行政總裁李慧敏、執行董事馮孝忠等高層、一班八、九十後同事，合力揚起有「風箏之王」稱號嘅龍頭蜈蚣風箏，鼓勵同事展翅高飛。

赤柱海濱滙豐命名

今年已經係第廿一年參與便服日活動嘅滙豐，一眾總行嘅員工分別着上紅色同埋白色嘅便服參與。為咗答謝滙豐多年來嘅支持，赤柱美利樓附近嘅海旁，仲命名為「滙豐海濱走廊」。

廿幾年來，單計便服日活動，滙豐總共籌得逾2,200萬善款；以總數計，恒生籌得嘅善款合共超過6,000萬元。