佢喺○六年創立網站，成功攻入型女市場，全球有超過55萬位消費者，生意額衝破一億美元，舊年更被美國媒體選為增長最快嘅零售店。年紀輕輕嘅佢，盤生意打理得頭頭是道，加上佢又係型格嘅時裝達人，當選「最性感CEO」可謂當之無愧。
Tesla馬斯克排第二
緊隨其後嘅，係有科技狂人之稱、Tesla行政總裁馬斯克，佢今年宣布開發無人駕駛汽車，仲提出全新交通構思「超級高鐵」，將來往洛杉磯至三藩市嘅交通時間縮短至35分鐘，佢展現出嘅雄心壯志同魄力，絕對係令佢「性感」嘅關鍵。至於其他較為人熟悉嘅上榜CEO，就有排第十一位嘅網上付費平台Square創辦人，兼Twitter創辦人杜斯。