絲絲講場：小米受讚賞榜上最年輕

阿里爬百度頭稱冠

今年有11間公司新上榜，小米就排行第十一位，僅次格力電器，果然不負一眾「米粉」所望。阿里集團今年唔再做「阿二」，爬上冠軍寶座，百度就衞冕失敗，跌落第二。排喺第三至第六嘅公司，分別係海爾（01169）、華為、聯想（00992）、騰訊（00700），京東商城亦躋身前十，排第七位。

聽聞今次《財富》調查咗成300間公司，候選公司要過五關斬六將，評分標準包括：產品及服務嘅地位、長期投資價值、創新能力、管理質量等九個範疇，一共有1,287位公司高管接受問卷調查。

胡潤IT富豪 雷軍排11

早前公布嘅胡潤IT及娛樂富豪榜，排名十一位嘅雷軍，財富較舊年增五倍，成為今年IT榜中財富增長最快及最多富豪。睇完呢兩個榜，雷軍仲唔係名利雙收？兩個榜之中，絲絲相信雷軍會like「最受讚賞中國公司」呢個多啲，因為佢講過「當你知道你持有嘅股票市值超過一億元後，財富對你來說就只是一個數字而已，沒有甚麼特別嘅意義。」據估計，小米手機估值超過100億美金。到二○一五年，估值將達到1,000億美金。

余詩韻