上周新西蘭央行發放加息訊號，令紐元保持強勢。不過，央行講加息，背後目的似乎係想壓制樓市，其實八月底時，新西蘭央行就已宣布十月一日起，做八成以上按揭的數量，不能超過銀行新增貸款一成以上。央行推出呢招，係關注新西蘭的銀行過分貸款畀樓宇買家，亦想壓抑過熱嘅樓市。
不過，加息嘅另一面就會吸引資金進一步流入紐元，尤其係依家環球央行減息嘅減息、QE嘅QE，在未有條件退市之下，講加息無可避免引入熱錢，將直接打擊新西蘭出口競爭力。
走勢上，紐元兌美元喺短短兩個星期由0.77升至0.80水平，正正就係五月底開始嘅整固區間，高位阻力喺0.8170，低位支持係六月中嘅0.7680，投資者不妨在這個區間內高沽低買，若然確認向上破位的話，建議可於0.8220試沽紐元，止蝕於0.8290，目標先睇0.7920以及0.7870。
GMO CLICK環球通副總裁 陳健豪