金融行業佔咗瑞士6%嘅GDP，但近幾年歐洲經濟不景氣，銀行員工嘅工作壓力愈嚟愈大，好多時都要開OT，狂捽數，搞到班員工喊晒口。自從上個月美銀美林嘅實習生因為連續三日通宵返工，最終喺屋企猝死之後，成班員工都好擔心步後塵，所以先向當局投訴。
工時冇紀錄 OT未計足
瑞士依家嘅標準工時係每星期48個鐘，即係平均一日七個鐘左右，而唔少金融機構對高級員工都會採用「信任工時」，容許佢哋喺屋企做嘢，唔使跟足合約規定嘅工作時數。一日做七粒鐘，聽落唔辛苦吖，香港人日做超過十個鐘好閒事，但弊在高盛冇準確咁記錄佢哋嘅工時，而且有時OT咗都冇計足，就算有做凸咗都冇得追啦！
余詩韻