點解英國慢咗咁多拍之後，先突然想改用「膠鈔」？話說英倫銀行行長卡尼係加拿大央行前行長，而加拿大所有面額嘅貨幣一早轉用晒塑膠料製成，卡尼梗係親身感受過「膠鈔」嘅好處，所以要周圍推廣啦。
防污防潮 水洗都得
新型嘅英鎊「膠鈔」由聚丙烯材料製成，有更佳嘅防污防潮性，耐用性比目前的紙幣高2.5倍，央行仲話擺呢種「膠鈔」喺洗衣機轉幾轉都仲用得添，非常環保。而且呢種「膠鈔」可以加入更複雜的防偽技術，咁就唔怕偽鈔問題。不過都有人嫌「膠鈔」容易「跣手」，又難對摺，但計絲絲話只要用得一段時間，大家自然會習慣「膠鈔」嗰種手感o架啦。