內地推低價葡萄酒
查實姚老闆舊年已將休斯敦呢間三層雙梯單棟屋放盤，話晒都係當地富豪區，又法式對稱設計又有游泳池，所以標價399萬美金都算合理，但有當地華人爆料，最新售價已降至359萬美金，若以○七年嘅買入價315萬美金計，六年回報隨時不足50萬美金，睇嚟姚老闆相當心急套現。
不過，割價賣屋背後嘅原因，更大可能係姚老闆一心重投中國嘅懷抱，據內地報道，姚老闆成立嘅姚氏家族葡萄酒業，正密謀下周喺內地新推另一款價格較低嘅葡萄酒，價位喺五百蚊人仔左右，明年至輪到美國上架。所以市場估計，姚老闆為方便打理生意，包括兩家私募基金管理公司、東方大鯊魚籃球隊同內地紅酒業務等，就加快出售海外資產嘅步伐。