其實，李開復尋晚已經喺微博度大嘆「世事無常，生命有限」，仲話喺癌病面前人人平等咁話，搞到好多網友都好擔心。
粉絲關注 送上祝福
依家係創新工場行政總裁嘅李開復喺騰訊微博貼文後，唔夠一個鐘已經被轉發、評論咗3萬次喇，網友除咗表示驚訝之外，亦都有向佢送上祝福，希望佢早日康復。唔知係唔係畀一眾網民感動咗，今朝八點李開復再喺微博證實患有淋巴癌，而且佢仲好積極咁話「病痛也是生活的一部分，我會選擇更加積極的心態來面對生活起伏」！
絲絲好希望李開復可以好好養病，早日康復啦，事關佢咁多年以嚟喺IT界作出過好多貢獻，亦都喺微軟、蘋果公司、Google工作過。