周小川今年得個C
絲絲聽講呢份雜誌喺業界好有權威，事關雜誌總部喺全球金融中心之一嘅紐約，讀者全部都係財金界專業人士。早喺九四年就開始對主要國家嘅央行行長進行評級，咁多年就以彭淮南嘅成績最彪炳。早喺○○年，彭淮南已經拎到第一個A；由○五年開始，佢仲連續九年拎到A級評價，加加埋埋就成為全球第一個「10A行長」啦！
絲絲聽聞，今年唔單止彭淮南拎到A，就連馬來西亞央行行長Zeti Akhtar Aziz都拎到A、歐洲央行行長德拉吉就有A-。至於大家好熟悉嘅美國聯儲局主席伯南克就拎到B+。不過，中國人民銀行行長周小川就得C咋！嚟緊一年，小川哥真係要加油喇！
余詩韻