絲絲講場：華為唔上市以免養懶人

企業發展得咁上下，就會成日畀人問，幾時上市。偏偏好多又大又靚嘅企業，打死都唔肯上市，原來係同錢有仇，正如華為創始人任正非所形容，上市會令員工養得太肥，變得懶惰。

佢嘅名言整體意思係咁嘅：「豬養得太肥了，連哼哼聲都沒了。科技企業靠人才推動，公司過早上市，就會有一批人變成百萬富翁、千萬富翁，佢哋嘅工作激情就會衰退，對華為唔係好事，……員工年紀輕輕太有錢了，會變得懶惰，對佢哋個人成長不會有利。」

原來公司董事會喺過去二十多年來，從來都冇研究過上市嘅問題，佢講明未來5至10年之內，華為既唔會考慮整體上市，亦唔會考慮分拆上市，更加唔會考慮通過合併、兼併、收購嘅方式，進入資本遊戲。