恒生銀行（00011）總行平日已經星光熠熠，事關有好多Banker都喺附近出出入入，但估唔到連夜晚都充滿星味。老友同絲絲講，原來上個月美國大導演米高曼（Michael Mann）套新片喺恒生總行取景，為咗多謝恒生，電影公司仲代恒生捐咗30萬畀慈善機構，真係一舉兩得！
嗰幾場戲除咗有絲絲好中意嘅「雷神」基斯漢斯禾夫（Chris Hemsworth）之外，湯唯亦有粉墨登場，所以絲絲同老友講，如果下次再有戲喺恒生開，記住要早啲通知絲絲至得。
原來嗰幾晚，恒生「夜嘛嘛」都有派人到場幫手，米高曼仲話好彩有佢哋喺度先可以順利拍攝。既然有「雷神」又有恒生個靚景，套戲真係唔可以錯過。
講開又講，間電影公司一直知道恒生鍾意做善事，而為咗多謝恒生今次幫手，佢哋亦都代恒生捐咗30萬畀一間香港慈善機構，真係唔話得。
余詩韻