Market Insight：汽車股有炒作條件

本周Jackson Hole央行行長年會，傳統上為年底前美國貨幣政策把把脈，可惜聯儲局主席伯南克，好大機會做埋半年拜拜，選擇避席，歐英行長亦都唔到，美國退市缺乏供參考言論，美債息只怕短期是易升難跌，對美國股市頗為不利。

美國退市，對中港股市是好是壞？似乎又無絕對的答案。短期而言，八月至今中港股市表現，就因為美股憂慮退市，資金回流而明顯跑贏華爾街三大指數。

古勝冇點你 2013/08/20

萬里長空

地產股預留緩衝區

長遠而言，過去幾年美國牽頭狂印銀紙，歐日爭相追隨，但中國為○九年4萬億人仔基建投資救經濟的後遺症，收拾殘局，解決影子銀行及地方政府的債務問題，美國QE對中國經濟直接的刺激有限，反而，外向形經濟的香港效果就明顯得多，物業價格在超低息環境下升至歷史嘅高位。

不過，自特區政府伸出有形之手，以管理需求度身訂造的辣招，使得物業交易量大減，幾可肯定，在新買家受DSD及BSD所限，投資成本大增下，本港樓市應該過了升幅最快的一段時間，但經歷過九七及沙士等大波幅，今次股市也先知先覺，至少恒生地產分類指數，自○七年升至40,024點的歷史高位後，過去六年都無跟隨樓價向上，昨日收30,203點，較高峰低兩成五，意味着即使樓價真的要掉頭回落，地產股已經有足夠折讓提供安全緩衝，未必百分百跟跌。

黑開有條路，債券又報錯價，個個笑光大証券連環烏龍事件，但滬深股市昨不跌反升，看來「肥手指」事件中的真正損失，可能較預期細。港股主板成交比上周五勁縮235億元，得443億元，再陷入買賣兩閒的牛皮悶局，恒指臨尾市跟低開的歐洲股市，跌54點報22,463點。

瑞聲不妨候低撈貨

焦點圍繞一眾業績股，中期盈利遜預期的百盛集團（03368）挫9.4%報3.19元，瑞聲科技（02018）儘管第二季按季銷售表現一般，但中期盈利總算達標，仍被多間大行唱淡，主要理由係分析員認為高端智能手機市場飽和，估計公司要接毛利率較次的中低端產品，瑞信及瑞銀將目標價由47.5元及42元，削到38.35元及34元。

昨日瑞聲急挫7.8%去到35.35元，幾近一步到位，短期有機會試35元樓下，甚至250日線32.7元水平。展望下半年，蘋果公司、三星及索尼都有旗艦機登場，績後急插，古勝仍相信是中期投機性撈貨的機會。

汽車股有炒作，上半年內地汽車業累積銷售2.85萬億元人仔按年增長16.1%，估計整個行業稅前收益升20.2%，亦較年初審慎的分析員預測理想。華晨汽車（01114）中期業績對辦，管理層對未來兩年的銷售發表樂觀的預測，亦都令基金經理對汽車股睇法有改變。

港交所（00388）股權披露資料顯示摩根大通上星期入市掃467萬股吉利汽車（00175），持股量升至5.02%需予披露水平，周四吉汽出中期業績，咁敏感時刻仲加注，點解？睇怕唔使多講。

早排摩通報告，預測吉汽半年賺13億元人仔，比坊間估高6%，按年升80%，比長城汽車（02333）的74%增幅更勁，持續理想每月銷售數字，以及年底前推出富豪XC90及S60L車款，係摩通睇好佢嘅理由，最重要係，摩通認為吉汽未來幾年強勁增長，有機會學似長汽的PE，出現由5倍升到18倍的「估值牛市」，睇7元咁話。

鐵路業可重納正軌

國務院昨日公布關於改革鐵路投融資體制，加快推進鐵路建設的意見，大致係增加鐵路業融資途徑，開放市場，引入更多民間資金參與投資。事實上，經過高鐵事故一役，政府決心改革鐵路業，未來鐵路業發展有望重納正軌。

　　雖然產業將進一步對外開放，但相信短期對龍頭企業的影響還不大。南車時代（03898）及中國南車（01766）仍然在行業手執牛耳，分別將於本周三及下周二宣布業績，此前南車股價已率先重上牛熊分界線之上，若消息對辦，股價有力再上。

古勝