絲絲即刻搵恒地大公關邦妮，以效率見稱嘅邦妮立即解釋，原來係七月底時，恒地（00012）旗下恒基中國同旭輝控股（00884）合作，成立合營企業發展杭州崇賢新城嘅商住地塊，塊地面積8.67萬方米，恒基中國同旭輝分別佔合營企業51%同49%權益，總投資成7.63億人民幣，間合營企業就係叫做旭正，即係Xu Zheng。
恒中買旭正申報引發
今次係恒地透過恒中買咗旭正51%股權，而恒發係恒地旗下公司，因為有關連而要一併申報，其實同恒發無關，恒發亦無特別嘢要披露。講真，港交所嘅股權申報格式，成日畀人話唔清晰又混亂，真係「識就笑死，唔識就嚇鬼死」呀。
余詩韻