絲絲講場：朗詩老闆帶頭簡約

潮流興內地房地產公司借殼上市，絲絲都搞唔清邊隻殼打邊隻公司。六月時借殼上市嘅深圳科技（00106，已改名做朗詩綠色地產）嘅內地百強房地產商朗詩集團，尋日出嚟見吓街坊，老細原則係簡單就是美，貫徹綠色生活。

喺「成功登錄香港資本市場」嘅答謝會，朗詩集團兼朗詩綠色地產董事長田明放棄西裝，寧選普普通通嘅Polo Shirt，加件背心仔，田總話佢想輕鬆一啲，另一方面就係佢哋一般唔搞咁多繁文縟節，就好似佢哋喺建築方面，都唔鍾意用太名貴嘅嘢，鍾意自然咁話，呢啲咪有性格囉！

除咗衣着之外，絲絲仲發現田總仲有啲其他內房阿總好少有嘅嘢，就係洋名喇！田總洋名叫Martin，聽落仲同佢中文名好襯添，大家一定記得啦！

余詩韻