正所謂「人怕出名豬怕肥」，希爾森拉特呢期咁紅，畀人冒名都唔出奇嘅。
冒名Twitter中午被刪
星期一朝早Twitter出現@jhilsenrathWSJ嘅帳號，大批粉絲都以為係希爾森拉特本人，表現得非常雀躍興奮，仲好期待佢即將發表嘅140字偉論。唔夠半日，好多記者行家都紛紛稱呢個Twitter戶口係假嘅，結果網站中午就刪除咗呢個假用戶！
希爾森拉特自己都親自澄清咗，無開過Twitter戶口，佢仲透過電郵話，自己平日寫嘅分析意見已經足以引起市場關注，認為就算打Twitter都唔會幫到佢提高曝光率！
絲絲奉勸大家一句，互聯網始終係一個虛擬世界，唔好亂信市場消息啊！
余詩韻