金融海嘯之後，全球工業大國競相推出量化寬鬆措施（QE），希望令經濟起死回生。不過，滙豐集團首席經濟師簡世勳（Stephen D. King）警告話，由於推行過密，QE已經由一隻「強而有力的抗生素，變成令人上癮的止痛藥」。
兩年前，Stephen推出第一本書《Losing Control》，討論新興國家對西方經濟的影響，今次本新書叫《When the Money Runs Out》，其中一個主題就係QE喇。Stephen話，要令經濟回復健康增長，只能透過結構性改革至可以做到，但係必須經歷痛苦過程，所以好多政府都寧願捨難取易。
根據美國推行QE1同QE2嘅經驗，最終都未如主事官員所講出現「強大經濟復甦」。結果係點？根據Stephen預測，QE呢種止痛藥「喺可見未來仍將保持充足供應」。