「1249」寓意一路向上
經老友「解碼」之後，發現呢個冧把包含咗三大玄機，加埋公司喺8月14日上市，諧音係「發一世」，咁呢100萬真係抵捐喎！
究竟通力電子控股上市編號有幾靚，老友就咁樣「解碼」，原來前兩個冧把「12」，剛好係通力呢兩個字嘅筆畫，而「1249」四個數字就係解一路升緊，仲要升得愈嚟愈快，寓意公司嘅業務一路向上升。
第三就係一加二係三，而二加四就係六，加埋第四個冧把係九，剛好包含咗三三不盡，六六無窮嘅意頭，非常吉利。
通力電子控股仲話，公司喺舊年嘅12月28日開會傾分拆，今年嘅6月27日就通過咗聯交所嘅上市聆訊，啱啱好半年時間，仲話過程好順利添！