呢項由三浦日本DIY保險公司做嘅調查，喺六月訪問咗500位日本家庭主婦，結果有近九成嘅渡邊太太話，感受唔到安倍嘅經濟措施有咩正面作用，憂慮經濟放緩，於是儲多啲私己錢。
加上調查又指出，日本上班族嘅花紅雖然有增加，但仍比○七年高峰少一成，促使渡邊太太儲多啲錢。不過，咁又唔代表呢班太太們唔使錢喎，當地有百貨公司指，今年六月女士手袋、衣物嘅銷售額按年升5.7%！
日本老公零用錢創新低
另外，有趣嘅係，雖然渡邊太太嘅私己錢創新高，但早前有另一個調查指日本老公嘅零用錢跌至31年嚟嘅新低，絲絲真係為呢班日本已婚男士報以無限嘅同情，但支持渡邊太太們，老公嘅零用錢不會增加！
余詩韻