期指觀瀾：小注做好無心理壓力
上星期五，港股低開高收，仲要跌119點收報20,263點，完成連跌六星期的金融海嘯後的紀錄之外，上周五低位19,969點，終於完全回補去年九月留低，在20,146至20,475點的上升裂口。按原訂計劃，筆者在上周五早市以三分之一注碼，開始重新入市開好倉，入市價介乎20,020至20,080點之間。
博壞消息出盡
隨着美國聯儲局退市的憂慮升溫，內地拆息在銀行半年結水緊下急升，上周四隔夜息見過創歷史新高。
衰啲講淡友做市真係予取予攜，要幾低有幾低，但14日RSI去到22.2的近兩年最低位，加埋去年九月重要的裂口補回，壞消息盡出之下，以小注一試博反彈，總比跌穿兩萬點才去追沽較為值博。可惜，上星期五美股表現唔算太配合，道指得41點進帳，收報14,799點，夜期也愈喊愈低，最後以19,951點收市。
雖然十年期美國國債孳息率再試2.53厘今浪新高，反映退市疑慮仍在升溫之中，不過，除非今日收市確認期指跌穿19,975點，否則所持好倉暫時不打算止蝕，恃住自己只係細細注，筆者決定一於同個市鬥長命。
John Mullen