絲絲講場：合和義工端午心連長者心
今日係端午節，合和實業早幾日已發動義工探訪老人家喇。佢哋係同聖雅各福群會合辦「合和心．連心」端陽探訪，為獨居長者獻上關懷，今次活動發動咗110名義工、商界合作夥伴，以及合和香港房地產、合和公路基建中港兩地嘅同事與親友，組成140人義工團隊參與呢項有意義嘅活動。
送日用品素食糉
喺活動當日早上，一眾義工團隊同心協力，為長者預備端午節「心意包」，入邊有齊日用品、小禮物、水果及由悅來酒店義工為長者特別製作、以健康素食為材料嘅「輕盈五穀豐收糉」，畀佢哋感受節日溫暖。嗰日佢哋親自探訪喺灣仔、銅鑼灣、北角、觀塘、葵涌同埋葵芳一共140戶嘅獨居長者，有成800個老人家受惠。
據合和實業企業傳訊部主管李家瑜講，活動已辦到第三年，好彩有一班非常投入嘅義工幫手，獨居長者就可以開心過端午喇！
余詩韻