九月十四日澳洲政府大選，央行又未有急切需要即時出手減息，所以選舉過後先減息可能係合適時間。如果未來一季經濟數據未見惡化，而有減息預期下澳元匯價繼續下跌而令央行覺得跌夠的話，會唔會到時先發現，其實「減息論」只係空城計？到時匯價跌夠，央行出其不意暗示唔需要再減息。
技術上，澳元再進一步就要睇一一年十月低位0.9250至0.9380，如果見到呢個價，不妨去買。換句話講，依家澳元跌咗咁多，雖然大勢仲係睇淡，不過想沽都要等個靚位再沽，現價可謂買賣兩閒，大位就係0.93同埋0.98水平，接近呢個水平先算係荀價入市，現價0.95剛剛喺中間，相當尷尬。
GMO CLICK環球通副總裁 陳健豪