鄭生話，成條片嘅製作費用只係30萬人仔，拍之前唔知女主角會有部電影出街而且咁紅，所以都算係意外收穫，令到好多人關注到公司條片，不過實際對產品銷售嘅刺激作用就難以計算出嚟，不過肯定嘅係公司知名度迅速提升咁話！
惠州新基地提升產能
講番業務方面，鄭生話，今年同店生意同舊年比只係持平，好似表現都麻麻哋，不過佢就話對前景好有信心，因為人人都要瞓覺o架嘛！公司已經計劃咗年內開設最多50個銷售點，即使喺香港市場都會繼續開專門店，仲有開埋網購平台添。為咗配合發展，公司新嘅惠州生產基地啱啱喺上月底正式啟用，產能仲升咗三成。