AH對碰：上石儀征翻炒私有
上周六內地官方製造業PMI為50.8，唔少股友都視之為及時雨，應可頂住吓上周美股急瀉的震盪，結果都只能捱到三點前，大市轉升為跌，埋單跌109點，收22,282點，全日低見22,249點。國指全日波幅144點，收市跌51點，跌幅0.48%，跟恒指差唔多。跌市元兇唔少，其一是由滙豐編制的PMI終值數據都係得49.2，外圍又在醞釀調整風暴，氣氛確實麻麻。
內地創業板指數跌近2%至1,052點，成交213億元人民幣。其實昨日滬綜指收報2,299點，近月還是矮仔上樓梯，行三步又退兩步，反而高估值、高風險炒股行情的創業板由去年十二月到今年五月高位計累升85%，表現絕對唔差得過日股，反映細價股炒風唔弱。A股大價股方面，好淡爭持下，共13隻股份漲停，都是有消息如併購重組或有概念炒作支持。
近期偶有消息傳出，話內地有望年內重啟IPO，對排緊隊等上市的公司及券商股當然是好事，對於一直有指怕重開IPO會造成大市衝擊的投資者，都未必是壞事。從過去統計，新公司上市對資金鎖定其實只造成非常短暫或微不足道的影響，氣氛炒熱對大市更是利多於弊。
短期料見獲利盤
上海石化（00338）及儀征化纖（01033）A股上周五開始停牌，將不遲於六月八日披露相關公告。兩間公司曾兩次進行股改都不成功，今次是第三次啟動，市場人士認為市場及公司狀況唔同往日，今次有機會成功，讓股份流通，對H股有刺激作用，因私有化炒作又再起動。不過，就算股改成功，下一步都有排搞，上周H股炒高約兩成後，短期勢見獲利盤，炒此類股宜慢不宜急。
一飛