上星期加拿大央行會議，係行長卡尼七年任內最後一次主持會議，臨別秋波，卡尼都係以不變應萬變就算，所以市場焦點會放喺候任行長Stephen Poloz身上。
Poloz原本係加拿大出口發展局前局長，順利交接問題不大。不過，加拿大就要面對金融海嘯以來最呆滯嘅經濟增長。一方面Poloz就提過傾向寬鬆貨幣政策以刺激出口，即係加息無望；不過另一方面加拿大的樓價仍舊高企，似乎難令央行放棄由上年四月開始嘅加息傾向。所以今次會議可以話係Poloz的預演，下次會議粉墨登場，將為加元前景帶來方向性。
技術上，美元兌加元最終未有等議息結果先行向上突破1.04，阻力在去年六月高位1.044，短線突破機會不大，惟下方支持已明顯守穩1算，預期短線在高位將出現一定壓力。不過，美元強勢最終或令美元兌加元升穿阻力水平，目標可升抵1.06水平，支持位在1.0250。建議在1.0250至1.03區間沽出加元，止蝕於1.02下方，目標1.0580。
GMO CLICK環球通副總裁 陳健豪