美國著名廣告公司Hill Holiday，前排升咗Karen Kaplan做CEO，成為廣告界入面最重要嘅女人之一。公司有員工升遷本來係一件好平常嘅事，不過絲絲聽講Karen嘅故事真係好振奮人心！佢喺Hill Holiday由低做起，憑虛心同堅持，經過31年嘅之後，終於升到最高職位！
Karen大學畢業後，為咗儲錢讀書，就去咗Hill Holiday做接待員。返工第二日就畀公司其中兩位女職員取笑，話佢係全公司職位最低嘅員工，比起送信員同埋速遞員嘅地位仲低！Karen無氣餒，佢相信職業無分貴賤，覺得每一份工都可以學到嘢，喺做接待員之前就做過保母同侍應。佢仲話自己做接待員嗰陣，無論係公司嘅小文員至高層都會經過佢個位，令佢識到好多人，所有收過嘅卡片，佢都會好好保存！
另一個令Karen成功嘅原因，就係佢嘅堅持！話說Karen有一日發現，公司高層嘅人工高達六位數字，嗰一刻佢就同自己講，一定要好好咁喺公司工作，希望有一日會成為高層之一。呢個堅持喺31年之後終於夢想成真，Karen終於成為CEO，掌管住一間年賺過億美元嘅公司。
余詩韻