近日天氣酷熱，但似乎仍未及白表客睇樓的熱誠，各區多個居屋苑的睇樓量都勁升，鑽石山及慈雲山一帶的居屋按周上升二成，其中以慈愛苑、富強苑及采頤花園最受白表客歡迎。
另中原廖忠堅稱，藍田的居屋屋苑，昨日睇樓量平均上升30%，而睇樓客中，白表客佔八成。
有抽中可以白表買免補地價居屋的羅先生，昨日就專誠到天水圍天盛苑睇樓。
羅先生表示，現租住區內居屋，惟業主勁加租，故希望趁機置業。他續指，現時樓價仍偏貴，希望覓得200萬元以下的心水盤，故惟有到天水圍搵樓。
至於同樣有申請免補地價購買居屋，但未能抽中的黎小姐，現時則只能留意一下自由市場的居屋，希望可搵到「啱價」物業上車。黎小姐續稱，樓價太貴，但她屬意港鐵沿線屋苑，暫時未有「心水」。