芬佬唔想飛去上海
絲絲有個對沖基金朋友話，上個月收到大摩嘅通知，話個對沖基金年會要改期兼改地點，大摩喺內地嘅發言人，唔評論改地點係咪怕咗禽流感。絲絲老友就大讚呢個決定，皆因自從內地發生禽流感後，好多投資者同埋基金經理，唔多願意飛去上海，大摩基於「健康理由」作出變動，都係為大家着想啫。
主場破天荒棄中國
自從○五年起，大摩差唔多年年都揀喺上海舉行呢個對沖基金活動，幾乎當正上海係主場，就算有兩次冇喺上海搞，都只不過係轉咗去北京同香港，冇離開中國地區o架，但今次大摩將個活動一搬就搬到紐約咁遠，都係第一次咋，唔通大摩真係為咗避開H7N9禽流感而轉場？
余詩韻