馬雲淡出阿里集團之時，話希望擺更多嘅時間推動環境、生態保護及教育工作，呢個承諾好快實現。
馬雲決定將佢喺雲峰基金嘅全數股權收益，全數捐予阿里集團旗下嘅「阿里巴巴公益基金」，身體力行實現佢嘅「綠色企業家」目標。
馬雲月初辭任阿里CEO嘅第二日，就已經公布佢會接替經濟學家胡祖六，出任非政府組織The Nature Conservancy （大自然保護協會/TNC）嘅中國區主席。而「阿里巴巴公益基金」，原來亦係以環境保護相關嘅公益事業為發展方向。基金其中一項較受外界所認識嘅，是透過推展「清源行動」資助內地多個省份推行恢復清潔水質嘅項目，可算係內地互聯網行業中，首個以環境保護為主要方向嘅企業公益基金。
雲峰基金係由馬雲和聚眾傳媒創始人虞鋒，於一○年牽頭成立，包括新希望集團董事長劉永好、巨人網絡董事長史玉柱、銀泰投資董事長沈國軍等，多位內地有知名企業家亦係基金發起人，喺內地嘅科網投資界甚具名氣。