熱爆全球嘅《江南 Style》令PSY威震全球，肥仔朴載相真係肥仔到襪都着唔到，嚟緊又有新搞作，會幫AV Concept（00595）力谷旗下自建耳機品牌，唔知佢會唔會創作隻新舞配合呢？
PSY繼《江南 Style》之後，今年四月中推出嘅新歌《Gentleman》又大受歡迎，難怪AV Concept大讚PSY喺全球嘅知名度、音樂創作才華、對音樂潮流超前嘅觸覺同演繹，正好同嘅耳筒產品同埋其他音響產品系列嘅「時尚設計及活力澎湃的聲效品質完美脗合」啦。仲係PSY唯一簽訂嘅全球性代言影音產品，希望借助PSY嘅人氣將品牌拓展到大中華市場。
耳機品牌發源地喺美國，一一年產品首推至今，兩年內已經喺99美元以上耳機市場佔有重要位置，旗下耳筒產品喺美國同全球多個主要國家都有得買，新增嘅銷售點仲包括比利時、荷蘭、北歐多國、菲律賓等國家。
除咗代言之外，嘅研發團隊，仲會同PSY crossover，合作設計同研發PSY嘅特別版頂尖耳機產品系列添呀，唔知到時大家會唔會有耳福，聽到PSY親自唱嘅廣告歌呢？