為港爭得世錦賽資格
絲絲覺得場刊呢種寫法，真係抹殺咗本地人嘅努力，其實香港都有好多本地人對冰球好有熱誠，出錢出力去推動呢種運動，當中嘅佼佼者就一定係合和（00054）董事總經理胡文新（Thomas）。
基本上喺香港提起冰球就一定會諗起佢，佢早排仲以國際冰球聯合會副會長嘅身份，飛去瑞典，為香港爭取到闊別廿六年嘅世錦賽資格，而且佢仲好積極咁喺大埔搵緊地起冰球館。
其實Thomas以前都講過，一種運動要成形，一定需要有本地人嘅參與。雖然冰球喺加拿大係好有代表性，但冰球呢幾年喺香港嘅發展，又點可以唔畀番credit本地人o架！
余詩韻