黑石集團本身已經夠晒大，據聞佢哋諗住推出一隻集數百家第三方對沖基金策略嘅超級對沖基金，希望以支付第三方佣金嘅形式，向呢班芬佬借雞生蛋，喺依家低息環境下攞多啲回報。
據報，呢隻超級對沖基金想邀請現時黑石旗下規模480億美元的基金中之基金平台嘅芬佬，畀啲極盡大膽同創意嘅交易策略。基於呢隻基金勢備受業界注視，所以一直秘密進行。
講番呢隻基金先，雖話芬佬肯賣橋畀黑石換取佣金，但喺集數百家所長嘅情況下，權衡埋箇中風險，相信最終落注都唔係佢哋眼中嘅最佳策略。難怪有業界人士笑指，呢班芬佬似足美國哈林花式籃球隊。
不過，黑石落實出呢隻超級基金前幾個月，已經搵咗幾個大戶畀錢投資一隻模擬基金試run，結果回報的確跑贏整體對沖基金平均所得！