轉而專注訂製業務
法拉利主席蒙特澤莫羅（Montezemolo）話，法拉利今年要減產到少於7,000架，仲要架架都唔同樣嘅，咁先可以保持番獨特性！佢仲好招積咁講，「對我哋嚟講，獨特性就係品牌嘅強項，我哋唔係賣一件普通嘅貨品，係賣一個夢想」！
睇番啲資料，舊年賣咗7,318架法拉利，亦即係今年減產差唔多5%，至於今年第一季就賣咗1,800架車，按年升4%。蒙特澤莫羅承認，因為個減產計劃，未來幾個月無可避免銷量會下跌，不過公司以後會專注喺客戶訂製業務方面，咁樣會增加利潤，而佢更肯定法拉利有兩樣嘢唔會掂，就係小型法拉利同埋電動車。
絲絲雖然係車嘅外行人，但物以罕為貴呢個理論真係永恒不變！