二手開放日未能發市

4藍籌盤假期無單開

有代理指出，昨日主要藍籌屋苑睇樓量較上月中驟增約兩成，不過旺丁未旺財，鰂魚涌太古城及荔枝角美孚新邨等共四個指標屋苑，昨日均未有錄得買賣成交，全部「食蛋」，有機會是歷來最靜的五一假期。

五一假期未有為本港樓市帶來起色，新盤成交放緩，二手屋苑買賣亦難獨善其身，綜合代理資訊，太古城、美孚新邨、鴨脷洲海怡半島及九龍灣德福花園昨均未有錄得買賣成交。

不過，二手持續偏靜下，鰂魚涌康怡花園有業主以低市價約3%出貨離場，美聯物業施遠洋表示，該屋苑L座中層13室，建築/實用面積約680/555方呎，成交價僅約660萬元，建築/實用呎價約9,706/11,892元，較開價低逾8%。

個別代理行亦出招自救，包括搞旺市罕見的二手單位開放日，其中香港置業美孚七期分行安排美孚新邨三個單位作開放日，並於店舖櫥窗貼上單位詳情，昨成功安排四組準買家睇樓。

中小行派員戶外撈客

另外，區內中小型代理行東成物業負責人鄧美賢坦言，近月美孚新邨買賣少，故罕有派同事主動到戶外揸宣傳單張物色買家。