好多用嚟預測經濟好唔好嘅指標，都係圍繞女性，例如潮流興長裙定短裙，口唇膏賣得好唔好。終於都有一個指標係屬於男性喇，有個調查話，男人買襪買多咗，證明經濟有得翻身。
絲絲最近睇到市場研究機構NDP集團嘅研究報告，舊年美國男裝銷售額得1%增長，反而內衣嘅增長有13%，襪子更加有12%增長，跑贏其他男裝類別，NPD分析師嘅解畫係咁嘅：男人將衣櫃入面最基本嘅用品更新，預示咗美國消費支出好轉緊。
有消費網站話，一旦經濟轉好，男人一定會抓緊時間換掉破爛嘅內衣褲。網購嘅數字顯示，去年男士襪子、內衣和家居便服銷量按年增長1.65倍。絲絲就唔知男人嘅習性，無論經濟好定唔好，絲絲買內衣嘅錢，一直冇慳過！
余詩韻