內地有間廉價航空公司，計劃設立「主題制服航班」，而第一炮就以日式女僕裝示人，空姐們個個變咗卡娃依女僕，真係令人精神一振，但就有人話佢哋咁做賣弄色情，而嚟自9號會所嘅靚女小容就話一啲問題都冇！
小容話：「由於我自小就好喜歡睇日本漫畫，最喜歡女僕造型，所以自小就喜歡着女僕裝，但以前想有件女僕衫不知幾困難，有錢都買唔到，惟有搵人訂造，但小朋友邊有錢吖！一直恨到十幾歲，至攞晒啲利是錢去訂造，第一次着上，不知幾咁開心，而且仲畀我喺舖頭識咗幾個志同道合嘅朋友，平時冇嘢做就會齊齊着住女僕裝通街咁走，不知幾爽呀！途人都用艷羨嘅目光望住我哋，不知幾開心，而我就唔覺得佢哋色迷迷囉！所以我覺得一啲問題都冇！」
但條裙仔短到見到底底，咁仲唔算賣弄色情？小容話：「家陣係女仔都咁着㗎啦！點解着迷你裙就得，着女僕短裙就唔得吖？你哋做人要公平啲好！何況我哋着短裙，全部都會打晒底，反而有啲少女，着迷你裙時只着丁字褲，佢哋咪仲誇張，仲賣弄性感，點解啲網友唔話佢哋呢？」睇嚟小容真係好撐女僕裝！問佢有女僕空姐做會唔會考慮去應徵？小容話：「仲使講，我第一個就去申請！」以小容嘅身材樣貌，睇嚟一定掂。
年齡：21歲
三圍：34-23-34
撰文：小德
攝影：阿昌