話說當時通用抽走廣告嘅時候，對手福特就「唱反調」，話「廣告嘅效力係視乎公司嘅執行能力，我哋喺fb賣嘅廣告就好有效！」，明寸通用嘅執行能力差！
不過事隔十一個月，通用對fb再次投下信任嘅一票。據知今次係通用開拓手機推廣計劃嘅其中一步，通用為一款名為Chevrolet Sonic嘅小房車落一個「只限於手機」嘅廣告。
追蹤數據 測市場反應
絲絲聽講，今次fb唔單止係賣個廣告咁簡單，仲會同消費者數據公司Datalogix追蹤埋讀者嘅反應，睇下佢哋會唔會因為個廣告而買嘢！近排fb就推出fb Home搶攻智能電話市場，絲絲相信通用今次「落廣告」，係想再測試吓fb嘅能力！