Market Insight：內房股謀定後動

特別是美國失業率高企下，樓價「背馳」地勁升，身邊唔少磚頭愛好者，見港府狂出招唔畀人炒，索性將目標轉到美國，話雖然去萬稅國買樓，雜項唔少，尤其增值及租金收入都要畀稅，但相對租金回報較高，據聞佛州仲有10厘樓上項目，所以都決定過去睇睇咁話。

美國復甦勢頭明顯

新興市場，包括中國在內嚴重產能過剩有待消化，看來伯南克看準美國CPI要大升並唔容易，加埋將息口同失業率掛鈎，隔晚美國數據咁好，美國長債息仲係不升反跌，縮番轉頭向着1.9厘進發，經濟復甦勢頭日趨明顯，加埋超低息未玩完，道指再升111點報14,559點，再創紀錄新高。

放大圖片

放大圖片

外圍強勢，塞浦路斯危機暫告一段落，港股終於再無唔跟升的理由，在期指結算日恒指升153點報22,464點，可惜成交依然奀，主板得633億元。

今日長假前夕兼基金第一季結，估計個市好好醜醜，都有機會行多一小步，尤其睇番成個亞洲區，截至周四日股升20.2%，菲股升17.8%，印尼升14.2%，泰國升12.4%，反觀去年經濟增7.8%的祖國，滬綜指得1.4%進帳，難兄難弟嘅港股仲要跌0.8%。唔知逆向會維持多幾耐，主觀看，中港股市短期追補機會，要比其他強勢股市轉弱跟跌機會大。

唔知各位有冇同感，中國海外（00688）、華潤置地（01109），同埋規模有番咁上下的恒大地產（03333），總畀人截然不同感覺，唔少認同中海及潤地屬於內房翹楚，長線投資佳選，可是轉角市時，唔少人會喜歡揀「球來球往」的恒大，主觀睇法，係其股價波幅性比較大，投機味比較濃。

恒大的業績也印證了這點，去年賺91.71億元，跌21%，昨逆市曾跌10.6%，最終跌7.4%，報3.23元，成交額超過10億元，係年初以每股4.35元批股以來最多，仲有四分一成交來自沽空，畀市場相當「驚」喜。

售樓毛利率大跌watt

相比其他行業，內房股透明度唔錯，至少業績前，大家由每月銷售數據推敲全年數字，做好準備。恒大全年923億元人民幣銷售額，按年升14.8%，分析員係心裏有數，以銷售額計，緊隨一年賣樓過千億元的兩大A股巨擘萬科及保利之後，比中海及潤地的850億及522億元多。今次業績，意外是毛利率由一一年33.2%跌至27.9%，同中期時28.6%比較都要低，由下半年內地樓市氣氛明顯好轉，令人聯想到下半年為趕目標，促銷削價幅度高於預期。

另外，是股息處理方法，以往唔派中期，末期一次過派的恒大，今年索性保留現金為由唔派息，進一步降低負債比率，以年初才批股集資半百億，這又是另一意料之外。

除樓市氣氛、地皮成本外，銷售策略，興建物業類別、物業質素，以及發展商商譽都影響售樓毛利率，潤地及中海今年毛利率也同樣收窄，由39.6%及40.2%跌至37.6%及38.2%，惟收窄幅度少過恒大，最終數字也高於恒大，公司訂下五年發展目標，每年合約銷售增長20至30%。經過一跌，大落後恒大顯得更便宜，古勝唔反對博反彈，但看來恒大在全人類看淡時，表現才較好。

中石化獲大行唱好

等待已久的成品油定價新機制出爐，新機制令成品油價格更能緊貼市場變化，對石化股有利。中石化（00386）獲大行一致看好，昨日股價突破9元大關，高位見9.18元，收報9.1元，上升2%；上海石化（00338）亦升4.7%，收報3.5元。

觀中石化股價走勢，短線如能企穩50日線8.96元樓上，有機會繼續向上回補二月初的下跌裂口位，重越裂口頂部9.27元的話，下一阻力在52周高位9.57元。

古勝