5743萬增持 變第三大股東
林添茂係喺上周二增持TOM，其實佢之前已揸住4.94%嘅股份，惟未達須披露嘅水平，所以外界一直都無留意到TOM原來有呢位低調股東。至於上周二嘅增持，則係以現金方式，喺場外按每股0.84元斥資共約5,743萬元增持6,838萬股，令佢持有嘅TOM好倉權益進一步增至6.7%，並成為TOM嘅第三大股東。
林添茂係本港台商圈嘅中堅分子，一般大眾對他較為熟悉嘅，應該係佢喺香港一手創辦嘅泰山企業貿易同佢代理嘅日本「救心」同「Kawai肝油丸」。而由佢推動成立嘅「港澳台灣同鄉慈善基金會」，喺促進港台公益事業與交流亦起重要作用。