絲絲講場：內地電訊商告微信御狀

傳向工信部攤牌收錢

不過，尋日仍然有媒體引述業內消息話，雖然三大電訊商未同騰訊直接商討過呢個問題，但係就已經同工信部「攤咗牌」。至於最後微信係咪要收費同點收法，就要睇各間公司嘅牙力同工信部嘅態度喇。

微信推出短短兩年，用戶量已經超過3億，最新版本唔單止可以發文字同圖片，仲可以用埋語音同視頻通話，對電訊商傳統嘅短訊、話音業務帶來好大衝擊。

雖然馬化騰話運營商向微信收費係「假消息」、「冇可能 」，但係業界就覺得空穴來風，未必無因，仲有傳三大電訊商冇同騰訊高層傾過呢個問題，但係就向主管部門工信部攤咗牌，提出包括建立微信專區，建設費用騰訊自理等唔同方案。

市場分析話，電訊商掌握住寬帶資源，有權唔租畀騰訊，而騰訊就可利用3億用戶嚟做要挾，最後結果要睇工信部態度喇！

余詩韻