絲絲講場：思捷馬浩思買完即坐
數年前仍然是絲絲愛股之一嘅思捷（00330）近年股價載浮載沉，就算遇到公司高層增持股份，都仍然無法「抬」得起個股價，相比起以往大股東邢李（火原）沽貨後仍然大升，可謂「此一時、彼一時」也。
場內外共掃50萬股
港交所（00388）權益披露顯示，思捷新任行政總裁馬浩思（Martinez Gutierrez）喺本周二，分別喺場內及場外，用平均10.2元及9.904元，總共買咗50萬股思捷，令馬浩思揸住思捷的持股量由0%增至0.03%。
之但係，翻查思捷於周二嘅走勢，完全符合咗股市嘅一個形容詞「高開低收」，除咗喺開市嗰陣曾經輕微升過一「浸」之外，幾乎由頭跌到尾。睇怕就算啲董事逐個輪流出嚟增持股份，思捷個股價都可能見唔番昔日「紅衫魚」嘅水平。
余詩韻