反告前女友誹謗
82歲既索羅斯，本嚟同27歲巴西影星費雷爾（Adriana Ferreyr）行得好哋哋，早前話索羅斯反口，唔肯送紐約一個價值200萬美元既單位畀佢，反而將單位送咗畀另一個女人，呢個女人嘅身份，已經變咗索羅斯現任未婚妻，費雷爾嬲到爆，向索羅斯索償5,000萬美元。
所謂你做初一，我做十五，索羅斯本周入稟法院，反控費雷爾誹謗和傷人，話費雷爾喺上述單位，將一盞玻璃燈擲向他，索羅斯當時冇出手反擊，反而係費雷爾後來就唔小心，隻腳畀地上既玻璃碎割傷。控狀又指，警方接報到場後，費雷爾向警方落假口供，訛稱索羅斯掌摑佢。