趁新年考急救證書
Edmond早前放假，原來用咗五日完成咗醫療輔助隊一個基本急救課程。「平時工作好忙，但我又一直好想學急救，所以就趁農曆新年有空檔，的起心肝去學，連續四日返朝九晚五，到第五日就考試。最難忘嘅係考試前兩晚都瞓唔好，仲拖埋屋企人落水，畀我練包紮添。」Edmond笑言，好彩當時唔使返工，如果唔係應該會搵埋同事做試驗！
成功考到基本急救證書，Edmond依家提起仍然笑逐顏開。佢話今年會抽時間學電單車，咁之後去旅行時就可以選擇風馳電掣，欣賞沿途風景。但佢又好坦白，話自己好耐之前考私家車牌，當時考筆試都要考兩次，到依家甚至有啲規則都唔太記得。今次考電單車牌，真係要補多啲鐘，學順啲！