美國於上周正式啟動850億美元的強行分段削赤行動，恐令75萬人失業。美國現時失業率高達7.9%，聯儲局主席伯南克估計要到二○一六年先回落到6%，潛台詞是在美國搵份工，真係唔易，「筍工」就更加難求了。
在職場上，向來是金融天之驕子的iBankers，曾令人羨慕不已，如今也今非昔比。歐洲議會限制銀行員工花紅規例一旦實施，花紅頂多是底薪一倍，對於享慣高薪厚職的iBankers而言，「封頂」之辣簡直是史無前例。其實，金融海嘯後，投行也狂派「無情雞」。
不過，登上《財富》最佳僱主榜首的谷歌，員工福利卻有增無減，種類之多跟其產品一樣創意無限，公司內設免費餐廳，甚至是員工身故，其配偶未來十年都可續領其薪金一半，絕對係一份筍工。
咁好嘅僱主，點先打到佢份工？據邢理強另一老友的真實個案，先在香港進行多輪電話談話，連過七關後，親到美國總部面試，話題可以好天馬行空，如問要幾多個高爾夫球先塞得滿間房等離題內容，順利被推薦仲要過埋內部兩個委員會及嚴謹的Reference check後才獲聘書。
如是者，老友悉心應對了幾個月的應聘程序，毫無怨言，除了員工福利吸引之外，最大原因是真心欣賞這個僱主。谷歌請個員工不惜豪花資源，正好說明公司這份禮待，不是白白享用的。
INVEST 邢理強