絲絲講場：永隆80大壽一定「寄」得

馬蔚華冀永遠興隆

絲絲聽講永隆開業時，原來得十二個員工，當年仲係叫銀號，後來生意好，七十年代喺中環買埋物業做行址。

八十年以來，永隆銀行轉咗嘅唔止地方同辦公大樓，連老闆都轉埋，招行○八年買咗永隆之後，聽講馬蔚華到依家都仲係覺得好抵。

至於永隆紀念大壽嘅郵票，就係當年銀號門面、現時辦公大樓同埋招行大樓。

永隆做大壽，財金界真係畀足面，個場加埋成700人，真係送郵票都送到手軟，佢哋仲搞咗個新舊照片大募集，鼓勵同事拎返啲舊相出嚟緬懷一番，而新相就要有創意同埋有團隊精神。