彤叔接手講到交棒
特刊記錄咗新世界集團由一九七○至二○一二年各個主要階段，包括由七○年起家、七二年上市，當時每股公開發售價只係2蚊。
原來彤叔要喺八二年三月，先至接任何善衡開始做新世界發展主席，帶領集團度過動盪大時代，喺八四年中英簽署聯合聲明時，開始起會展，再度過八九年嘅信心危機，九二年正式大舉進軍內地。最後係○二年至一二年，特刊篇為「傳承」，順利交棒畀長子及嫡孫，即係鄭家純同鄭志剛。
當中絲絲最印象深刻嘅，係有張八十年代剪報，講緊新世界有份起嘅沙田第一城預售，當時每方呎700至1,000蚊，即係每個單位廿零三十萬有交易，睇番依家個價，加多個「0」都唔止，真係百般滋味。
余詩韻